Njoftim (24 qershor 2019)

Nën organizimin e Institutit RIDEA, pavarësisht qëndrimeve diametralisht të kundërta rreth procesit të dialogut, janë mbledhur rreth një tryeze liderët kryesor të pushtetit dhe opozitës për të diskutuar për - Zërin e Popullit rreth 'Finales së Madhe' ndërmjet Kosovës dhe Serbisë-. Në një tryezë ishin të gjithë së bashku nga presidenti Thaçi, z. Albin Kurti nga LVV, z. Lutfi Haziri nga LDK, z. Shpend Ahmeti, bashkëdrejtues i Delegacionit Shtetëror, profesorë nga Universiteti i Oxfordit, si dhe ambasadorë të ndryshëm nga vendet mike të Kosovës, aktivistë të shoqërisë civile, përfaqësues nga bota akademike, etj. Ky event i organizuar nga RIDEA është bërë me mbështetje të MPJ të Norvegjisë, respektivisht Ambasadës Norvegjeze në Kosovë, me rastin e publikimit të rezultateve të sondazhit (Vëllimi II) rreth temës së njëjtë.