-Tryezë diskutimi-
‘Dialogu ndërmjet Kosovës dhe Serbisë: Alternativat dhe Opsionet’
Sot në Prishtinë nën organizimin e Institutit RIDEA dhe me mbështetjen e MPJ të Norvegjisë, respektivisht Ambasadës Norvegjeze në Kosovë, është zhvilluar tryeza e diskutimit sipas modelit ‘CHATHAM HOUSE RULE’ rreth alternativave dhe opsioneve të dialogut ndërmjet Kosovës dhe Serbisë. Një fjalë përshëndetëse në fillim të kësaj tryeze ka mbajtur dhe Ambasadori Norvegjez në Kosovë, SH.T. Z. Per Strand Sjaastad.
Pjesëmarrja në tryezë ishte gjithëpërfshirëse, ku pjesëmarrës ishin deputetë të Kuvendit të Kosovës dhe udhëheqës të forumeve rinore të partive politike (LDK, PDK, LVV, AAK, PSD, NISMA Socialdemokrate, AKR) dhe përfaqësues nga organizatat e shoqërisë civile si: KCSS, BPRG, KDI, D4D, PIPS, ATRC, YIHR, etj.
Një falënderim i veçantë për të gjithë pjesëmarrësit e kësaj tryeze.
Debati për dialogun vazhdon, ashtu siç ka të ngjarë të ndodh dhe me vetë dialogun.